Amerikalı elm adamlarından inqilabi ixtira | Elə bir şey icad etdilər ki...

Amerikalı alimlər canlı toxumaların davranışını təqlid edə bilən unikal "LivGels" materialını hazırlayaraq biomühəndislik sahəsində böyük irəliləyişə nail olublar.

Bildirilir ki, "LivGels"in əsas xüsusiyyəti onun qeyri-xətti möhkəmlənmə və regenerasiya qabiliyyətindədir.

Qeyri-xətti möhkəmlənmə materialın mexaniki qüvvələrin təsiri altında daha sərt olmasına imkan verir, regenerasiya isə zədələrdən sonra bərpa olunmağa şərait yaradır. Bu xüsusiyyətlər "LivGels"i regenerativ təbabət, xəstəliklərin modelləşdirilməsi, üçölçülü bioyazma və yumşaq robotexnika üçün ideal namizəd edir.

Alimlər konkret toxuma növləri üçün "LivGels"in optimallaşdırılması üzərində işi davam etdirməyi, onun regenerativ təbabətdə tətbiqi imkanlarını öyrənməyi və 3D-bioyazma texnologiyaları ilə inteqrasiya etməyi planlaşdırırlar. Bundan əlavə, bu innovativ materialın geyilə bilən cihazlarda və implantlarda istifadə potensialı da nəzərdən keçirilir.