ASA-dan məlumat: Yanan mallar siğorta olunmayıb

Bakının Dərnəgül qəsəbəsində yerləşən və "Taxta bazarı” kimi tanınan inşaat materialları bazarında yanmış əmlaklar sığortalı olmayıb.

Bu barədə "Azərbaycan Sığortaçılar Assosiasiyası" İctimai Birliyindən bildirilib.

Baş verən bu hadisə ilk deyil və növbəti dəfə əmlakların sığortalanması məsələsini gündəmə gətirir. Bəs sahibkarlar mallarını sığortalamaqda niyə maraqlı deyillər?

ASA-nın icraçı direktoru Elmar Mirsalayev bildirib ki, bunun birinci səbəbi sahibkarların öz əmlaklarına məsuliyyətsiz yanaşması ilə bağlıdır:

“İkincisi isə əmlakların sığortalanması zamanı nöqsanlara rast gəlinir və bu səbəbdən sığorta şirkətlərində imtina halları olur. Bu boşluqlar aradan qaldırılarsa, əmlak sığorta vasitəsilə qoruna bilər”.

Qeyd edək ki, Azərbaycanda daşınmaz əmlak icbari qaydada sığortalanır. Qeyri-yaşayış sahələri üçün sığorta haqqı əmlakın yeri, həcmi və təyinatı nəzərə alınmaqla hesablanır. Daşınar əmlakın sığortası isə könüllüdür. Burada başlıca tələb əmlakın müvafiq sənədlərinin qaydasında olmasıdır.