Ata-baba yurdlarda hansı ənənələr yaşadılır? - Baku TV

Kəlbəcərin füsunkar təbiəti ilə seçilən Qaraarxac yaylağı bu yay mövsümündə yenidən canlanıb.

Uzun illərdən sonra doğma yurdlarına qayıdan sakinlər ata-babalarından miras qalan yaylaq ənənələrini yenidən yaşadırlar.

Ailələr yay aylarını Qaraarxac yaylağında keçirir, maldarlıqla məşğul olur, təbii məhsullar istehsal edir və əsrlər boyu formalaşmış həyat tərzini davam etdirirlər. Burada qurulan alaçıqlar, otlaq sahələrində otlayan sürülər və təmiz dağ havası Kəlbəcər yaylaqlarına əvvəlki ruhunu qaytarır.

Qaraarxac yaylağında həyatın yenidən bərpa olunması yalnız qədim ənənələrin yaşadılması deyil, həm də Kəlbəcərin dirçəlişinin və insanların doğma yurda qayıdışının bariz nümunəsidir.

Qeyd edək ki, Dövlət Proqramı çərçivəsində hər il mövsümi olaraq yaylaq və qışlaqlara köç prosesi həyata keçirilir.