“Ayıq kəndlər” dövrü başlayır | Spirtli içkilərə qarşı yeni tədbir

Rusiyanın İrkutsk vilayətində alkoqol asılılığına qarşı sərt tədbirlərin görülməsinə başlanılıb.

Vilayətin 6 kənd və qəsəbəsində 2026-cı il sentyabrın 1-də etibarən spirtli içkilərin pərakəndə satışı tamamilə qadağan olunacaq.

Qərar yerli hakimiyyət orqanlarının təşəbbüsü və əhalinin müraciətləri əsasında qəbul edilib.

Rəsmi məlumata görə, qadağanın tətbiq ediləcəyi yaşayış məntəqələrində keçirilən yerli səsvermələr zamanı sakinlərin böyük əksəriyyəti bu addımı dəstəkləyib.

Səsvermələrdə alkoqolun kənd həyatına mənfi təsiri əsas arqument kimi göstərilib. Yerli icra strukturlarının nümayəndələri bildirirlər ki, vilayət mərkəzindən uzaqda yerləşən kəndlərdə spirtli içkilər illərdir ciddi sosial problemə çevrilib.

Alkoqoldan geniş istifadə əhalinin sağlamlığına zərər vurur, ailədaxili münasibətləri gərginləşdirir və kəndlərdə sosial mühiti zəiflədir.

Rəsmilərin sözlərinə görə, “ayıq kəndlər” modeli alkoqol asılılığının azaldılmasına, ictimai təhlükəsizliyin gücləndirilməsinə və uzunmüddətli perspektivdə regionda həyat keyfiyyətinin yüksəldilməsinə xidmət edəcək.