Azərbaycanlılara Rusiyada kimlər qənim kəsildi? | Namiq Qaraçuxurlunu niyə tutdular?

Rusiyanın Daxili İşlər Nazirliyi və Federal Təhlükəsizlik Xidmətinin əməkdaşları Moskva Satira Teatrının keçmiş direktoru Məmmədəli Ağayevi tutublar.

Bu ölkənin Daxili İşlər Nazirliyinin rəsmisi İrina Volk bildirib ki, Məmmədəli Ağayev fırıldaqçılıqda şübhəli bilinir. Hazırda istintaq aparılır. Məmmədəli Ağayev və yaxın qohumlarının hesablarına həbs qoyulub.

Məlumat üçün bildirək ki, Rusiyanın hüquq-mühafizə orqanları iki azərbaycanlının xüsusi amansızlıqla qətlə yetirildiyi Yekaterinburq əməliyyatından sonra azərbaycanlılara qarşı təqibləri davam etdirir. Oraya səfər etmək də təhlükəli səviyyəyə çatıb.

İsbat kimi avqustun 28-də Moskvaya səfər edən məşhur meyxanaçı Namiq Qaraçuxurlunun da Şeremetyevo hava limanında saxlanılıb bir neçə saat dindirilməsini göstərmək olar.

Məlumata görə, onun sərbəst buraxılıması üçün Azərbaycanın Rusiyadakı səfirliyi də danışıqlar aparıb. Hər halda sənətçi sərbəst buraxılıb.