Bağlanan “Naxçıvan” Universiteti ilə bağlı açıqlama
“Naxçıvan Muxtar Respublikasındakı ali təhsil müəssisələri Naxçıvan Muxtar Respublikası Təhsil Nazirliyinin tabeliyində olan müəssisələr kimi fəaliyyət göstərmir. Onların birbaşa tabeçiliyi Azərbaycan Respublikası Elm və Təhsil Nazirliyindədir”.
Bunu Naxçıvan Muxtar Respublikası təhsil naziri vəzifələrinin icraçısı, nazir müavini Elxan Nəcəfov jurnalistlərə açıqlamasında bildirib.
“İstənilən halda ali təhsil müəssisəsinin qurumlarının fəaliyyətinin dayandırılması ilə bağlı məzmunda ictimaiyyətə müvafiq məlumatlar ötürülür. “Naxçıvan” Universiteti ilə bağlı olan istiqamətlər, məlumatlar müvafiq mərhələlərlə ictimailəşdiriləcək.
Əlavə olaraq onu qeyd edə bilərəm ki, bu məzmunda artıq təcrübə var. Azərbaycan Respublikasının bundan əvvvəl müəyyən özəl məktəblərin bağlanması və tələbələrin köçürülməsi ilə bağlı təcrübəsi var. Həmin məzmunda böyük ehtimal ki, tətbiqlər ediləcək. Bunun təlimatı, qanunauyğun qaydaları artıq formalaşıb”, – o qeyd edib.
![icon](/images/loading.png)