Bakıda “Birlikdən qazan” şüarı ilə keçirilən forumun məqsədi

Aprelin 26-da Bakıda “Birlikdən qazan” şüarı ilə VII Milli İnsan Resursları Forumu işinə başlayıb.

İnsan resurslarının inkişafı istiqamətində bilik və təcrübələrin paylaşıldığı forumda 700-dək peşəkar mütəxəssis, 15-dən çox spiker iştirak edib.

Forumun əsas məqsədi ölkəmizdə insan resursları sahəsinin inkişafına dəstək vermək və bu sahə üzrə yerli kadrların biliklərini daha da təkmilləşdirməkdir.

Forumda 3 panel iclası keçirilib. "Top uğrunda mübarizə", "Mərkəz xətti", "Oyundan kənar vəziyyət" panelləri üzrə müxtəlif mövzular müzakirə edilib.

“Birlikdən Qazan” konsepti vasitəsilə insan resursları komandalarının effektiv fəaliyyəti, birlikdən qazanması, iş mühitində komanda quruculuğu, dinamikası, motivasiyası, eləcə də uğura yönəlməyə dair məsələlərə toxunulub.

Qeyd edək ki, 2015-ci ildən etibarən keçirilən forumda bu il ilk dəfə olaraq HR sahəsinə dair mini tamaşa da nümayiş etdirilib.