Bakıda və rayonlarda hava necə olacaq? | Hava haqqında məlumat

Avqustun 16-da Bakıda və Abşeron yarımadasında yağış yağacaq.

Bu barədə Baku TV-yə Ekologiya və Təbii Sərvətlər Nazirliyi yanında Milli Hidrometeorologiya Xidmətindən məlumat verilib.

Yağışlı hava şəraiti rayonlarda da müşahidə ediləcək. Ayrı-ayrı yerlərdə leysan xarakterli intensiv olacağı, dolu düşəcəyi ehtimalı var.

Qeyd edilib ki, şimal-qərb küləyi səhər şimal-şərq küləyi ilə əvəz olunacaq. Havanın maksimal temperaturu 28-32 dərəcə isti olacaq.

Bölgələrdə də avqustun 16-da bəzi yerlərdə arabir yağış yağacağı, şimşək çaxacağı gözlənilir. Ayrı-ayrı yerlərdə, xüsusən də Balakən-Şəki, Quba-Xaçmaz, Lənkəran-Astara zonasında yağıntıların leysan xarakterli intensiv olacağı, dolu düşəcəyi ehtimalı var.

Avqustun 17-si axşam yağıntılar tədricən kəsiləcək. 18-də əsasən yağmursuz hava şəraiti müşahidə olunacaq. Mülayim şərq küləyi əsəcək.

Havanın maksimal temperaturu Aran rayonlarında 30-35, dağlıq ərazilərdə isə 20-25 dərəcə isti olacaq.