Bakının bu yolunda qaydalar dəyişildi: yaşıl işığın müddəti artırıldı

Sıxlığın aradan qaldırılması məqsədilə daha bir yolayrıcında hərəkətin idarə edilməsində dəyişiklik olunub.

Bu barədə 18 oktyabr tarixində Nəqliyyatı İntellektual İdarəetmə Mərkəzi məlumat yayıb.

Nəsimi rayonunun Səməd Vurğun və Şamil Əzizbəyov küçələrinin kəsişməsində aparılan növbəti monitorinq zamanı Səməd Vurğun küçəsindən sola dönən zaman yolda sıxlığın yaranması müşahidə edilib.

Yolayrıcındakı işıqforun iş rejiminə dəyişiklik edilərək Məhəmməd Füzuli küçəsi istiqamətində yaşıl işığın müddəti artırılıb. Nəticədə Səməd Vurğun küçəsində nəqliyyatın intensivliyi artıb və sıxlıq aradan qalxıb.