Baku TV-nin Youtube-da abunəçilərinin sayı 1 milyon oldu

Yarandığı gündən vətəndaşın yanında olan, tamaşaçısına operativ, dolğun və doğru xəbər çatdıran Baku TV-nin “YouTube” izləyicilərinin sayı sürətlə artır.

Kanalın “YouTube” səhifəsində abunəçilərin sayı artıq 1 milyon oldu.

Xatırladaq ki, Baku TV-nin “YouTube” səhifəsi 5 dildə – Azərbaycan, rus, ingilis, fransız və erməni dillərində, Azərbaycan, rus və beynəlxalq olaraq 3 bölmə üzrə fəaliyyət göstərir. Təkcə mart ayı ərzində Azərbaycan və rus bölməsi 60 milyona yaxın baxış toplayıb.