Bir binanın iki sahibi, evsiz qalan sakinlər

Yeni Günəşli qəsəbəsinin “V” massivində yerləşən bina 13 V-nin sakinləri mənzillərinin bir neçə nəfərə satıldığından şikayətçidirlər.

Sakinlərin sözlərinə görə, “Arko” MMC ilə “Badu-Kübə” MTK arasındakı ədavət onların evsiz qalmasına səbəb olub. “Məhkəməni uduzmuşam. Gözləyirəm ki, məni gəlib nə vaxt küçəyə atacaqlar”, - zərərçəkən deyib.

Adıçəkilən qalmaqallı şirkətlərlə bağlı şikayətlərin sayı-hesabı yoxdur. Biri deyir, mənzil mənimdir, satmışam, digəri deyir, mənzil mənimdir, mən də başqasına satmışam. Nəticədə əziyyəti pulunu verib ev alan sakinlər çəkir.