Biz, səninləyik! | Kurskdakı son vəziyyət açıqlandı

Ukrayna Silahlı Qüvvələrinin Rusiyanın sərhədyanı bölgələrinə hücumları davam edir.

Bu aviazərbələrdən ən çox əziyyət çəkənlər isə Kursk əhalisidir.

Regionda baş verən hadisələrin fonunda sözügedən vilayətdən minlərlə sakin təxliyə edilir. Onlara da həm hökumət, həm də yerli sakinlər tərəfindən humanitar yardımlar göstərilir.

Bu dəfə bu humanitar yardım təşəbbüsünə Rusiyada yaşayan həmyerlilərimiz də qoşulub.

Belə ki bir qrup azərbaycanlı onlara tibbi ləvazimatlar, gigiyena vasitələri və xeyli sayda yorğan və qida məhsulları göndərib. Hətta yük avtomobilinin üzərində “Kursk, biz səninləyik”, “Rusiyada yaşayan azərbaycanlılardan” kimi yazılar da qeyd olunub.

Sosial mediada yayılan görüntülər yerli sakinlər tərəfindən də böyük rəğbətlə qarşılanıb.

Məlumat üçün bildirək ki, bu təşəbbüs azərbaycanlıların Kurskdan təxliyə edilənlərə sayca 3-cü humanitar yardımıdır.