Bu meyvə erkən ölüm riskini necə aradan qaldırır?

Mütəxəssislər tərəfindən aparılan araşdırmalar göstərir ki, müxtəlif meyvə və tərəvəzlərdən ibarət qidalanma infarkt və xərçəng kimi xroniki xəstəliklərin qarşısını almaqda mühüm rol oynayır.

Araşdırmaya görə, həftədə 3-4 alma istehlakı erkən ölüm riskini 39% azalda bilər. Bu nəticə Çində aparılan və on il ərzində 2148 nəfəri əhatə edən bir tədqiqatın nəticəsidir. Liflə zəngin olan almalar xolesterolu azaldır və ürək sağlamlığını dəstəkləyir. A və C vitaminləri ilə zəngin olması insult və 2-ci tip diabet riskini azaltmağa kömək edir.

Yaponiyada aparılan bir araşdırma isə gündə 3 porsiyadan çox meyvə istehlakının ürək-damar xəstəlikləri və bəzi xərçəng növlərinə bağlı ölüm riskini əhəmiyyətli dərəcədə azaltdığını sübut edib.

Çiyələk, qaragilə və moruq, eləcə də portağal, nar, banan və avakado antioksidantlar, vitamin C, polifenollar, lif və kaliumla zəngin meyvələdir. Onların müntəzəm istehlakı qocalma prosesini yavaşladır, xərçəng riskini azaldır, immunitet sistemini gücləndirir, ürək sağlamlığını qoruyur, qan təzyiqini tənzimləyir, iltihabı aradan qaldırır, həzmi yaxşılaşdırır və böyrək daşlarının yaranmasının qarşısını alır.