Bu yerüstü keçid ölüm saçır | Xocəsəndə qurumla sakinlər qarşı-qarşıya

Paytaxtın Xocəsən qəsəbəsində piyadaların gediş-gəlişini asanlaşdırmaq üçün inşa edilən yerüstü piyada keçidi təhlükə saçır.

Belə ki, vətəndaşlar keçiddən istifadə etsələr belə, yenidən avtomobillərin hərəkət etdiyi yolu keçmək məcburiyyətində qalırlar.

Vəziyyətdən narazı olan sakinlər bildiriblər ki, yerüstü piyada keçidinin inşası əlverişsiz olduğundan onlar çıxış yolunu avtomobillərin hərəkət zolağı ilə əks tərəfə keçməkdə görürlər.

“Bu keçidi tikənin ağlı harada idi, mən bilmirəm. Keçməyə qorxuruq, hər an avtomobil vura bilər”, – sakinlər narazılıqlarını bildiriblər.

Məsələ ilə bağlı Avtomobil Yolları Dövlət Agentliyindən bildirilib ki, sözügedən piyada keçidi yola çıxmır:

“Vətəndaşlar düzgün məlumat vermirlər. Əsas yolla piyada keçidi arasında ayrıca təhlükəsizlik hissəsi də qurulub”.