Çörək də ucuzlaşacaq: Naxçıvanda unun qiyməti ucuzlaşdı

Naxçıvanda taxıl istehsalının həcminin artması unun qiymətinin kəskin ucuzlaşması ilə nəticələnib.

Belə ki, 50 kiloqramlıq unun qiyməti 37 manatdan 27 manata düşüb. Bu da əvvəlki qiymətlə müqayisədə 10 manat və yaxud 27% azdır.

Bu barədə aparıcı taxıl emalı müəssisəsinin icraçı direktoru Canməmməd Canməmmədov məlumat verib.

Bildirilib ki, bu il müəssisə yerli istehsalçılardan 5266 ton buğda qəbul edib. Halbuki son 3 ildə bu rəqəm 2700 tona yaxın olub.

Naxçıvanda unun ucuzlaşmasının çörəyin qiymətinə də təsir edəcəyi gözlənilir.