FHN-dən çimərliyə gedənlərə vacib müraciət
Fövqəladə Hallar Nazirliyi çimərlik mövsümü ilə əlaqədar əhaliyə müraciət edib.
Nazirlikdən verilən xəbərə görə, müraciətdə deyilir: “Çimərlikdə xoş zaman keçirmək üçün Fövqəladə Hallar Nazirliyi göstərilən təhlükəsizlik qaydalarına əməl edilməsinin vacibliyini bildirir.
Çimərlikdə qadağandır:
- nəzərdə tutulmamış ərazilərdə çimmək
- çimmə zonasının işarələnmiş sərhədlərindən kənara üzmək
- küləkli havada dənizə girmək
- çimərlikdə gecələmək
- sərxoş halda çimərlikdə olmaq
- suda kobud hərəkətlər etmək
- çimərlikdə balıq tutmaq
- xilasetmə texnikasından başqa digər qayıq və kiçik gəmilərlə çimərliyə daxil olmaq!
Yadda saxlayın:
- Çimərlikdə uşaqlar nəzarətsiz qalmamalı, xəbərdaredici nişan və lövhələrin göstərişlərinə, xilasedicilərin çağırış və tələblərinə sözsüz əməl edilməlidir!
- Qızmar günəş altında fasiləsiz dayanmaq, hava qaraldıqdan sonra suya daxil olmaq təhlükəlidir!
Unutmayın: Qaydalara biganəlik həyatımıza təhlükədir! Təhlükə zamanı 112-yə zəng edin!”.
#Fövqəladə Hallar Nazirliyi teqi istifadə olunub
- FHN WUF13-ə hazırlıq çərçivəsində Bakıda yanğın təhlükəsizliyi mövzusunda təlimlər keçirdi - Baku TV
- Sumqayıtda evdə dəhşətli hadisə | "Oturmuşduq, birdən alışdı, gördük ki..." - Baku TV
- Gəncədə zavodda baş vermiş yanğın tam söndürülüb
- FHN-dən hava şəraiti ilə əlaqədar əhaliyə müraciət - Baku TV
- Sakinlər 15 ildir mənzillərinə sənəd ala bilmir | FHN-dən məsələ ilə bağlı açıqlama - Baku TV
