Pleyeri seçin:
FHN-dən əhaliyə xəbərdarlıq | Bu çimərliklərə getməyin, yoxsa...
Çimərlik mövsümünə hazırlıqla əlaqədar təhlükəsizlik tədbirlərinə başlanılıb.
Bu məqsədlə Fövqəladə Hallar Nazirliyi tərəfindən çimərliklərdə dalğıclar vasitəsilə sualtı müayinələr, təmizləmə işləri aparılır. Dənizdə üzmə sərhədlərini müəyyən edən nişanlar və maarifləndirici lövhələrin quraşdırılmasına başlanılıb.
FHN-in rəsmi nümayəndəsi Akşin Əlili vətəndaşlara müraciət edərək bildirib ki, çimərlik seçimində diqqətli olsunlar. Əgər hər hansı bir çimərlikdə xilasedicilər yoxdursa, bu həmin ərazidə təhlükəsizlik tədbirlərinin görülmədiyindən və belə yerlərdən istifadənin təhlükəli olduğundan xəbər verir.
"Çimərliklərdə diqqət yetirilməli məqamlardan biri də hava şəraitidir. Bildiririk ki, küləyin sürəti saniyədə 10 metrdən artıq olduqda və hava qaraldıqdan sonra suya girmək təhlükəlidir", – o vurğulayıb.
Qeyd edək ki, təhlükəsizlik tədbirləri iyunun 15-dək davam edəcək.
Kopyalandı
#Fövqəladə Hallar Nazirliyi teqi istifadə olunub
Seçilmişlər
