FHN hava şəraiti ilə bağlı əhaliyə təcili müraciət etdi
İsti və quru hava şəraiti ilə əlaqədar Fövqəladə Hallar Nazirliyi əhaliyə müraciət edib.
Bildirilib ki, yaxın günlərdə ölkə ərazisində havanın temperaturunun yüksələcəyi, bəzi yerlərdə 41 dərəcəyə çatacağı gözlənildiyindən kiçik ehtiyatsızlıq və ya diqqətsizlik müxtəlif məkanlarda, xüsusilə açıq sahələrdə və meşə massivlərində yanğınlarla nəticələnə bilər.
Eyni zamanda isti havalardan qorunmaq üçün məişət cihazlarına tələbatın artması elektrik naqillərinin yüklənib sonda qısaqapanmaya səbəb olma riskini artırır.
FHN-dən bildirilib ki, əkin sahələrində, xırmanlarda, ot tayaları yığılan yerlərdə və onların yaxınlığında açıq oddan istifadə etməyin və siqaret çəkməyin. Sürtgü yağı, benzin, ağ neft, dizel yanacağı və digər yanar mayelərlə islanmış materialları, eləcə də şüşə qab və şüşə qırıntılarını ətrafa atmayın.
Təbiət qoynunda tonqal qalayarkən bunun üçün xüsusi hazırlanmış yer, yaxud köhnə tonqalın yerini, quru ot, kol-kos, ağac və ağac qırıntılarının olmadığı açıq sahəni seçin. Tonqalın tam söndüyünə əmin olmadan ərazini tərk etməyin.
#Fövqəladə Hallar Nazirliyi teqi istifadə olunub
- Xəzərdə qandonduran hadisə | Dənizdə batan 4 dostla bağlı təcili məlumat - Baku TV
- FHN-dən çimərliklərdə təhlükəsizliklə bağlı əhaliyə müraciət - Baku TV CANLI
- Həftənin ilk gününün havası | Qurumdan açıqlama - Baku TV
- SOCAR Dübəndidə neft çirklənməsinin səbəbini açıqladı - Baku TV
- Xəzər sahilində genişmiqyaslı çirklənmə: Neft qalıqları aşkarlandı - Baku TV
