Pleyeri seçin:
“Hamısını öz adına keçirdi” | MTK ilə sakinlər üz-üzə | Ümumi əmlak necə özəlləşdirilib? - Baku TV
Xəbərlərimizi Google-da izləyin
Yeniliklərdən dərhal xəbərdar olun
Yasamal rayonunun Yeni Yasamal qəsəbəsi ərazisində yerləşən binanın sakinləri ilə keçmiş MTK sədri Aydın Cəfərov arasında əmlak mübahisəsi yaranıb.
Sakinlərin iddiasına görə, vaxtilə Bakı Dövlət Universitetinin müəllimlərinin mənzil təminatı məqsədilə ayrılmış torpaq sahəsində yaradılan “Gənc Alim” MTK-nın idarəçiliyi Aydın Cəfərova həvalə edilib.
Onlar bildirirlər ki, tikinti işləri 2006-cı ildə başa çatdıqdan sonra binanın ümumi istifadədə olan bəzi sahələri sakinlərin xəbəri olmadan özəlləşdirilib.
Şikayətçilər xüsusilə zirzəminin və həyətdə yerləşən xeyir-şər evinin vəziyyətindən narazıdırlar. Onlar bildirirlər ki, zirzəmiyə giriş məhdudlaşdırılıb və bu ərazidən binanın kommunikasiya xətləri, o cümlədən su sistemi keçir.
Sakinlər qeyd edirlər ki, fövqəladə vəziyyət zamanı zirzəmiyə daxil ola bilməmələri ciddi problem yarada bilər.
Kopyalandı
Seçilmişlər
