Həkimlər üçün yeni əməkhaqqı sistemi | TƏBİB-dən açıqlama - Baku TV

Həkim çatışmazlığı olan regionlarda həkimlərin fəaliyyətinin stimullaşdırılması məqsədilə əlavə maliyyə mexanizmi tətbiq olunacaq.

Bunu TƏBİB-in icraçı direktoru Anar Bayramov mətbuat konfransında deyib.

Onun sözlərinə görə, Bakı və Azərbaycanın böyük şəhərləri istisna olmaqla regionlarda cərrahi tibbi xidmətlər, fizioterapiya və reabilitasiya, anesteziya və invaziv radiologiya üzrə hesablanan bonus ödənişlərinə 1,3 əmsalı tətbiq ediləcək:

“Beləliklə, digər şəhərlərdə 2 000 manat olan bonus regionlarda 2 600 manat təşkil edəcək. Ambulator həkimlərin əlavə ödəniş mexanizmi də dəyişdiriləcək. Hər pasiyentə görə cüzi faiz ödənişi əvəzinə aylıq nəticələrə əsaslanan diferensiallaşdırılmış əlavə ödəniş tətbiq olunacaq.

Belə ki, Bakı və böyük şəhərlərdə gün ərzində 22 xəstəyə baxan həkim üçün nəzərdə tutulan 1 200 manatlıq əlavə ödəniş regionlarda 1 800 manat, 36 xəstəyə baxan həkimlər üçün 1 800 manatlıq ödəniş isə regionlarda 2 700 manat olacaq”.