İnsan ömrünü uzadan qidalanma | Tədqiqat zamanı elə şeylər üzə çıxdı ki…

Aparılan son iki araşdırma Portfolio pəhrizinin, yəni bitki məhsulları ilə qidalanma planı müxtəlif insan qruplarında ürək-damar xəstəlikləri və ölüm riskini azalda biləcəyini göstərib.

Tədqiqat zamanı təqribən 15 min amerikalının məlumatları təhlil edilib.

Komanda 24 saatlıq qida xatırlatma sorğusu və əvvəlki tədqiqatların qida tezliyi anketlərindən istifadə edərək pəhriz vərdişlərini araşdırıb.

Layihənin müəllifi Meqan Kavananın sözlərinə görə, pəhriz rejiminə orta dərəcədə riayət edilməsinin ürək-damar xəstəlikləri riskini 12 faiz, risk faktorlarını 14 faiz və bütün səbəblərdən ölüm hallarını 12 faiz azaltmaq da daxil olmaqla, əhəmiyyətli faydaları üzə çıxıb.

Məlum olub ki, gənc yetkinlik dövründə başlayan Portfolio pəhrizinin 50 faizinə riayət etmək sonrakı həyatda ürək-damar xəstəlikləri riskinin artımını təxminən altı il gecikdirə bilər. Diyetə tam riayət etmək isə bu riski 13 il yubada bilər.