İrsi xərçəngin simptomları nələrdir? | Xəstəlik bu yaşlarda özünü biruzə verir

Onkoloqlar bəzi xərçəng növlərinin nəsildən-nəslə ötürüldüyünü bildirirlər. Amma nəsildə kimdəsə xərçəng olubsa, bu hər kəsin xərçəng olacağı demək deyil.

Onkoloji Xəstəliklərlə Mübarizə Assosiasiyasının yaydığı siyahıda qeyd olunub ki, bir insanın mədə xərçəngi olması ehtimalı 1-2 %-dir. Əgər genetik mutasiya varsa, bu, riski 70 % artırır. Adətən irsi xərçəng insanı daha gənc yaşlarda yaxalayır. Əsasən 40-50 yaş arası özünü büruzə verir.

Nəsildən-nəslə keçən onkoloji xəstəliklər reproduktiv və həzm orqanları sistemini əhatə etməklə 2 qrupa bölünür. Süd vəzi, uşaqlıq, yumurtalıq, xaya, prostat, mədə, bağırsaq, mədəaltı vəz xərçəngi nəsildən-nəslə keçir.

Hazırda məlum təhlükəli mutasiyaları əvvəlcədən göstərən genetik testlər var. Ailəsində, nəslində bu xəstəliyi olanlar testlərdən keçib, hansı onkoloji xəstəliyin riskini daşıdığını öncədən bilib, ona uyğun tədbirlər görə bilərlər.

Qeyd edək ki, uşaqların onkoloji problemləri çox vaxt nəsillə əlaqəli olmur.