İslamda təmtəraqlı qəbir daşı barədə nə deyilir? - LED işıqlı, dəbdəbəli qəbirlər...

Ölüm həyatın ən dəqiq gerçəkliyidir. Zamanla kimin üçünsə həyat sona çatsa da, onun xatirəsinə göstərilən dəbdəbə sona çatmır.

Bu gün bir çox ailələr yaxınlarını dəfn edərkən sadəcə bir qəbir deyil, qiyməti minlərlə manatı keçən bəzəkli abidələrə üstünlük verirlər. Sadə bir mərmər daşından tutmuş, xüsusi sifarişlə hazırlanan, şəkilli və hətta LED işıqlarla bəzədilmiş məzar daşlarına qədər. Bazarda seçim boldur, qiymətlər isə əl yandırır.

Bəs bu dəbdəbə zərurətdir, yoxsa sadəcə göstəriş istəyi?

Baku TV-nin mövzu ilə bağlı keçirdiyi sorğu zamanı sakinlər “Bər-bəzəkli qəbir daşları olmamalıdır, qəbir itməlidir”, “Ölçüsü kiçik olmalıdır”, “Ümumiyyətlə, qəbir daşlarının olmamağı məsləhətdir ” kimi fikirlər səsləndiriblər.

İlahiyyatçı Tural İrfan isə bildirib ki, səmavi dinlərdə təmtəraqlı qəbir daşı anlayışı yoxdur:

“Sadəcə, qəbirlərin itməməsi, ziyarət zamanı yerinin tapılması üçün nişan qoyulmağı məsləhət görülür. Amma bu gün sanki insanlar qədir daşına görə bir-birləri ilə yarışa giriblər”.