Kadr çatışmazlığı aradan qaldırılacaq

Elm və Təhsil Nazirliyi yanında Peşə Təhsili üzrə Dövlət Agentliyi ilə “Bridge Group” şirkətlər qrupu arasında qarşılıqlı əməkdaşlığa dair anlaşma memorandumu imzalanıb.

Memorandumun əsas məqsədi tikinti və inşaat, restoran və mehmanxana, xidmət, əmlakların idarə edilməsi, kənd təsərrüfatı, yanacaq təchizatı və logistika sahələrində təcrübə və bacarıqların artırılması, kadr hazırlığının təşkil edilməsi, gələcək kadr ehtiyaclarının ödənilməsi istiqamətində birgə fəaliyyət göstərməkdir.

Memorandumda həmçinin müxtəlif istiqamətlər üzrə tədris planları və proqramların birgə hazırlanması da nəzərdə tutulur. Sözügedən əməkdaşlıq tərəflər arasında müəyyənləşdirilmiş qaydalara uyğun olaraq təhsilalanların müvafiq istiqamətlər üzrə təcrübə proqramlarına cəlb edilməsi, onların bilik və bacarıqlarının qiymətləndirilməsində biznes tərəfdaşlarının iştirakını özündə ehtiva edir.