Pleyeri seçin:
Kinoteatr serialın növbəti bölümlərinin yayımlanmayacağını açıqlayıb - Baku TV
Xəbərlərimizi Google-da izləyin
Yeniliklərdən dərhal xəbərdar olun
Aktyor Hikmət Rəhimovun quruluşçu rejissoru və baş rol ifaçısı olduğu “Səkkiz” serialının “Park Cinema”da yayımı dayandırılıb.
Bununla bağlı kinoteatrın sosial şəbəkə hesabında məlumat paylaşılıb.
Bildirilib ki, ekran işinin növbəti bölümləri bundan sonra kinoteatrda yayımlanmayacaq.
Hikmət Rəhimov da məsələyə sosial şəbəkə hesabında münasibət bildirib.
“Serialın həm yutub üzərində, həm televiziyada yayımını dayandırmağı heç cür anlaya bilmirəm. Ümid edirəm, həm bizə, həm tamaşaçıların istəyinə hörmətlə yanaşıb, üzümüzə gələn həftə serialın yayımının bərpasına qərar verərlər. Şəxsən mən bunu səbirsizliklə gözləyirəm”, – deyə o qeyd edib.
Xatırladaq ki, bir neçə gün əvvəl serialın ilk bölümündə qeyri-etik ifadələr işlədildiyi üçün ARB kanalı cəzalandırılıb. Audiovizual Şura kanalın yayımının müvəqqəti dayandırılacağını açıqlayıb.
Bildirilib ki, qurum həmin kadrları “Media haqqında” qanunun tələblərinə zidd sayıb. Nəticədə, ARB kanalının yayımının 3 saatlıq dayandırılmasına qərar verilib. “Səkkiz” serialı psixoloji triller janrında çəkilib və 12 seriyadan ibarətdir.
Kopyalandı
Seçilmişlər
