Komitə sədri təyin edilən Ramin Məmmədov kimdir? - DOSYE

Dini Qurumlarla İş üzrə Dövlət Komitəsinə sədr təyin edilib. Bu barədə Prezident İlham Əliyev sərəncam imzalayıb.

Yeni sədr Ramin Ələmşah oğlu Məmmədov 1979-cu ildə Ağdərədə anadan olub, Şuşa şəhərində orta məktəbə gedib. Bakı Dövlət Universitetinin Beynəlxalq hüquq və beynəlxalq münasibətlər fakültəsini, eləcə də Beynəlxalq münasibətlər ixtisası üzrə magistr pilləsini bitirib.

Yeni sədr 2013-cü ildə Harvard Universiteti Kennedi Dövlət idarəetmə Məktəbinin təşkil etdiyi “İnkişaf edən liderlər” adlı xüsusi proqramın iştirakçısı kimi Harvard Universiteti sertifikatını alıb.

İndiyədək Mədəniyyət Nazirliyi, Diasporla İş üzrə Dövlət Komitəsində müxtəlif vəzifələrdə çalışıb. 2020-ci ildən etibarən 6-cı çağırış Milli Məclisin deputatı olub. Yeni Azərbaycan Partiyası İdarə Heyətinin üzvüdür və dövlət qulluğunun baş müşaviridir.

Milli Məclisin Ailə, qadın və uşaq məsələləri komitəsinin, Beynəlxalq münasibətlər və Parlamentlərarası Əlaqələr Komitəsinin üzvüdür. Evlidir və 1 övladı var.

“Dövlət qulluğunda fərqlənməyə görə” və “Tərəqqi” medalları ilə təltif edilib.