Pleyeri seçin:
Naftalanda "Yaşıl dünya naminə həmrəylik ili" çərçivəsində veloyürüş keçirildi
Xəbərlərimizi Google-da izləyin
Yeniliklərdən dərhal xəbərdar olun
2024-cü il “Yaşıl dünya naminə həmrəylik ili”, 29-cu “Tərəflərin Konfransı (COP)” çərçivəsində Azərbaycan Velosiped Federasiyasının, Naftalan Şəhər İcra Hakimiyyətinin, Azərbaycan Respublikasının Gənclər Fondunun birgə təşkilatçılığı, Karvan Hotelin dəstəyi ilə Naftalan-Suqovuşan-Naftalan istiqaməti üzrə veloyürüş təşkil olunub.
Tədbirdə Naftalan Şəhər İcra Hakimiyyətinin başçısı Vüqar Novruzov, Azərbaycan Gənclər Fondunun icraçı direktor vəzifəsini icra edən Qədir Xəlilov iştirak edib.
Yürüşə müxtəlif yaş aralığında 25-dən artıq iştirakçı qatılıb.
Veloyürüş iştirakçıları başlanğıc nöqtəsi Naftalan şəhəri olmaqla Suqovuşan istiqamətinə hərəkət edərək Naftalan şəhərinə qayıdıblar. Onlar ümumilikdə 50 km-ə qədər məsafəni qət ediblər.
Veloyürüş iştirakçıları Naftalan ŞİH-nin təşəkkürnamə və sertifikatları ilə təltif olunublar.
Yürüşün məqsədi Azərbaycan Respublikası Prezidentinin 2023-cü il 25 dekabr 4233 nömrəli Sərəncamı ilə Azərbaycan Respublikasında 2024-cü ilin “Yaşıl dünya naminə həmrəylik ili” elan edilməsinə dair təsqid olunmuş müvafiq tədbirlər planına əsasən ətraf mühitin mühafizəsi, yaşıl artım və sağlam həyat tərzinin geniş ictimaiyyətdə aşılanmasıdır.
Kopyalandı
Seçilmişlər
