Naxçıvanda general işdən çıxarıldı, yeni nazir təyin edildi

Naxçıvan Muxtar Respublikasının fövqəladə hallar naziri vəzifəsindən kənarlaşdırılıb.

Baku TV-nin bölgə müxbirinin məlumatına görə, general-leytenant Şamı Abdullayev işindən azad edilib. Artıq onun yerinə yeni təyinat da var. Polkovnik Şahin Mirzəyev Naxçıvan MR-in fövqəladə hallar naziri təyin olunub.

Bununla əlaqədar fövqəladə hallar naziri, general-polkovnik Kəmaləddin Heydərov yanvarın 17-də Naxçıvana səfər edib. Prezidentin səlahiyyətli nümayəndəsi Fuad Nəcəfli və nazir Kəmaləddin Heydərov kadr dəyişikliyi ilə bağlı toplantı keçirib, muxtar respublikanın yeni fövqəladə hallar naziri kollektivə təqdim edilib.