Nazirlər Kabinetindən yeni qərar

Nəqliyyat vasitələrinin utilizasiya haqqının məbləği, utilizasiyaya verilən nəqliyyat vasitəsi üçün tətbiq edilən güzəştin məbləği və birdəfəlik ödənişin həcmi təsdiqlənib.

Bu barədə Nazirlər Kabineti qərar verib.

“Nəqliyyat vasitələrinin utilizasiya haqqının məbləği” ilə bağlı qərar 2024-cü il fevralın 1-dən, “Utilizasiyaya verilən nəqliyyat vasitəsi üçün tətbiq edilən güzəştin məbləği və birdəfəlik ödənişin həcmi” ilə bağlı qərar isə sentyabrın 1-də qüvvəyə minir.

Traktorlar həmçinin meşə və kənd təsərrüfatında istifadə edilən, mexaniki nəqliyyat vasitələri üçün utilizasiya haqları isə 2024-cü il fevralın 1-dən 2 il müddətinə 50 faiz həcmdə tətbiq ediləcək.

Utilizasiyaya verilən nəqliyyat vasitəsi üçün birdəfəlik ödənişin məbləği müvafiq güzəşt məbləğinin 70 faizi həcmində müəyyən edilir.

Yeniliyə görə, Silahlı Qüvvələrdən və digər birləşmələrdən başqa hüquqi və fiziki şəxslərə məxsus olan və mühərrikinin işçi həcmi 50 kub/sm və daha çox, yaxud maksimal sürəti saatda 50 kilometrdən artıq olan bütün tipli nəqliyyat vasitələri, tramvaylar və trolleybuslar, yarış məqsədli idman nəqliyyat vasitələri buraxılış ili 4 ildən 10 ilədək olduqda 10 manat, 10 ildən 20 ilədək olduqda 20 manat, 20 ildən 30 ilədək olduqda 30 manat, 30 il və daha çox olduqda 40 manat utilizasiya haqqı ödəniləcək.