Pleyeri seçin:
O adamın hərəkətinə görə "Komedixana"dan ayrıldım | Cavidan Novruz hər şeyi danışdı - QAPQARA
Xəbərlərimizi Google-da izləyin
Yeniliklərdən dərhal xəbərdar olun
“Qapqara” verilişinin yeni buraxılışı yayımlanıb.
Verilişin budəfəki sayının qonağı aktyor Cavidan Novruz olub.
Aktyor “Komedixana”dan ayrılma məsələsinə aydınlıq gətirib:
“May ayının 25-26-da Sumqayıtda konsert verməli idik. 25 may atamın ad günü idi. Onun vəfatından sonra ilk dəfə olaraq Akademik Milli Dram Teatrında atam üçün xatirə gecəsi keçiriləcəkdi. Bu haqda əvvəlcədən xəbərim yox idi. Truppa müdirinə zəng edib icazə istədim. Mənə dedi ki, 25-i atamın ad günü münasibətilə tədbirə hazırlaşırlar. Düşündüm ki, atama həsr olunan bu tədbirdə oğlu olaraq iştirak etməliyəm.
“Komedixana”nın layihə rəhbərinə də zəng edib məsələni bildirdim. Amma atamın xatirə gecəsində iştirak etməyimə icazə vermədi, dedi ki, mümkün deyil. Bundan sonra arada müqəddəs bir şey qalmadı. Həmin an hər şeyi bitirdim. Amma düşmənçiliklə yox, dostluqla ayrıldım”.
Cavidan Novruz bildirib ki, atası onun musiqi ilə məşğul olmasını istəmirdi:
“Hətta evdən çıxanda deyirdi ki, birdən çaşıb “Azəri Star”a, “Yeni Ulduz”a gedərsən, məni biabır etmə. Deyirdim ki, elə şey yoxdur. Mənə deyirdi ki, otur yerində, bayağı müğənnilərin sayını artırma”.
Kopyalandı
#Cavidan Novruz teqi istifadə olunub
Seçilmişlər
