Qanunsuz abortların qarşısı bu yolla alınmalıdır | Millət vəkilindən vacib çağırış

Ölkədə uşaqların sayı 2005-2022-ci illərdə dəyişib. 2005-ci ildə əhalinin 31,8%-i 17 yaşına qədər uşaqlar təşkil edirdisə, 2022-ci ildə bu göstərici 26,3%-ə düşüb.

Bu barədə iqtisadçı-ekspert Samir Əliyev sosial şəbəkə hesabında bildirib.

Ekspert qeyd edib ki, 19 il öncə əhalinin hər 3-cü şəxsi uşaq olduğu halda, hazırda bu rəqəm hər 4-cü şəxsə qədər azalıb.

Azalma xüsusilə qız uşaqlarının sayında özünü göstərir. Oğlanların sayı 2,1% artdığı halda, qızların sayı 6% azalıb. Beləliklə, gender fərqi 2,5%-dən 3,7%-ə qədər yüksəlib.

Sosioloqlar problemin səbəbini selektiv abortlarının sayının artmasında görürlər.

Sosioloq Üzeyir Şəfiyev düşünür ki, selektiv abortları minimuma endirmək üçün Cinayət Məcəlləsində bir sıra dəyişikliklər edilməlidir.

“Uşaqların yaşam hüququ ana bətnində də təmin edilməlidir”, – deyə o qeyd edib.