Qaradağdakı Daşgil vulkanları ərazisində nə baş verir? | Qurumdan mühüm açıqlama

Qaradağ rayonu ərazisində yerləşən Daşgil palçıq vulkanlarının ətrafında ekoloji aksiya keçirilib.

Bu barədə Dövlət Turizm Agentliyinin Qoruqları İdarəetmə Mərkəzinin İdarə Heyətinin sədri Murad Ağabəyli deyib.

Onun sözlərinə görə, aksiya Dövlət Turizm Agentliyi və Ekologiya və Təbii Sərvətlər Nazirliyinin təşkilatçılığı ilə keçirilib:

“Müvafiq qurumların əməkdaşlarının, turizm sənayesi və media nümayəndələrinin, eləcə də turizm könüllülərinin iştirakı ilə təşkil olunan aksiya zamanı ərazi tullantılardan təmizlənib”.

“Daşgil vulkanlarının təbii özünübərpa prosesi üçün tələb olunan zəruri müddət nəzərə alınaraq mütəxəssislərin rəyi əsasında əraziyə giriş müvəqqəti dayandırılıb. Burada informasiya, mühafizə köşkü fəaliyyətə başlayıb”, ‒ Murad Ağabəyli qeyd edib.