"Aktyorluq fövqəladə bir şey deyil" | Vidadi Həsənov içindəki saxtalıqdan danışdı - QAPQARA

Baku TV-də yayımlanan “Qapqara” verilişinin növbəti buraxılışı efirə gedib.

Verilişin budəfəki qonağı Xalq artisti, aktyor Vidadi Həsənov olub.

Xalq artisti bəzi aktyorların özünü “sənət şəhidi” adlandırmasına münasibət bildirib: “İncəsənət qurban-zad tələb etmir. Heç kim də qurbanlıq quzu deyil. Bu sənəti seçən hər kəs nə ilə məşğul olacağını, hara gedəcəyini, nə əldə edəcəyini yaxşı bilir”.

V.Həsənov sənətdən getməklə bağlı seçim qarşısında qalmağından da bəhs edib.

“40 yaşım olanda oturdum, düşündüm. Dedim, gedim, yoxsa qalım? Çünki məsuliyyət daşıdığım insanlar və onların həyatları var idi. Amma yenə də gedə bilmədim”, – aktyor söyləyib.