"Ata sözünü ilk dəfə onun qızından eşitdim" | Xanımı faciəvi şəkildə ölən Orxan ürəkləri dağladı

Baku TV-nin “Arzunun vaxtı” verilişinin yeni buraxılışı yayımlanıb.

Proqramın budəfəki buraxılışında həyat yoldaşını xərçəngdən itirən Orxan Məmmədov xəstəlik dövründəki mübarizələrindən danışıb.

O qeyd edib ki, mərhum həyat yoldaşı Səkinədə xəstəlik hamilə olduğu zaman aşkarlanıb:

“Mənə demişdilər ki, heç vaxt övladın olmayacaq. Daha sonra Səkinə ilə ailə qurdum. İki il övladımız olmadı. Sonradan isə ata olacağımı öyrəndim. Hamiləliyin 3-cü ayında sinəsində şiş əmələ gəldi. Müayinəyə aparanda dedilər ki, uşaq təcili götürülməli və müalicəyə başlanmalıdır. O isə mənim ata olmağım üçün canını qurban verdi. Nə qədər israr etsəm də, övladımızdan vaz keçmədi”.

Həyat yoldaşının ölümündən sonra “yetim” qaldığını söyləyən Orxan çox yaxşı ailə münasibətlərinin olduğunu da vurğulayıb:

“İlk ata kəlməsini Səkinənin birinci evliliyindən olan övladından eşitmişdim. Onunla atalığı hiss etmişdim”.