"Azəriqaz" rəhbəri açıqladı | Qaz limiti ləğv ediləcək?

“Azəriqaz” sutkalıq 48 milyon kubmetr qaz qəbul edib ki, bu da rekord bir göstəricidir. Keçən ilin eyni gününə nisbətən 8 milyon kubmetr artıq qaz qəbul olunub.

Bu sözləri “Azəriqaz” İstehsalat Birliyinin (İB) Baş direktoru Ruslan Əliyev deyib.

O bildirib ki, hazırda ölkə üzrə qaz təchizatı ilə bağlı ciddi bir problem yoxdur: “Bir-iki yerdə kiçik qəzalarımız olub və onlar aradan qaldırılıb".

R.Əliyev əlavə edib ki, Azərbaycanda əhali qrupu üzrə abonentlər üçün tətbiq olunan qaz istifadəsi limitlərinin ləğvi məsələsi gündəmdə deyil.