"Məktəbdə bütün uşaqları vurdum" | Davranış pozuntusu olan uşaq məktəbə niyə qaytarılıb? - Baku TV

Paytaxt sakini Dünya Dadaşova Baku TV-nin qaynar xəttinə müraciət edərək 13 yaşlı əlilliyi olan övladı Tunar Dadaşovun təhsili ilə bağlı yaşadığı çətinliklərdən danışıb. Ana övladının xüsusi qayğıya ehtiyacı olduğunu qeyd edib.

Məlumata görə, yeniyetmə daha əvvəl məktəbdə və cəmiyyət arasında aqressiv davranışlar nümayiş etdirdiyi, həmyaşıdlarına xəsarət yetirdiyi üçün aidiyyəti qurum tərəfindən ev təhsilinə yönləndirilib. Lakin bir müddət əvvəl şagirdin təhsilini 254 nömrəli tam orta məktəbdə davam etdirməli olduğu bildirilib. D.Dadaşova övladının davranışlarını idarə edə bilmədiyi üçün onun yenidən həmyaşıdları ilə problem yaşayacağından narahatdır.

Valideyn məsələ ilə bağlı narahatlığını belə ifadə edib:

“Övladım 2-ci qrup əlilliyi və ciddi davranış pozuntusu olan uşaqdır. Dərman olmasa, uşaq özünü idarə edə bilmir. 5-ci sinfə qədər kütləvi məktəbdə oxusa da, aqressiv davranışlarına görə ev təhsilinə keçirilmişdi. Son 2 ili evdə sakit şəkildə təhsil alırdı. İndi isə onu yenidən 254 nömrəli kütləvi məktəbə yönəldiblər. Özünü idarə edə bilməyən, evdə və həyətdə uşaqlara xəsarət yetirən bir uşağın kütləvi təhsilə qayıtması təhlükəlidir. Məktəbdə baş verə biləcək bədbəxt hadisənin məsuliyyətini kim daşıyacaq?!”.