"Mixaylo"nun müəmmalı ölümü | Onu kim satdı? - ARAŞDIRMA

Onun adı Mehdi idi. Almanlar ona “Mixaylo” deyirdilər – qorxulu yuxuları, partizan hiylələrinin ustası, görünməyən kölgə.

Bakının Novxanı kəndində doğulmuşdu. Rəssam olmaq istəyirdi, Leninqradda təhsil alırdı. Ancaq müharibə başlayanda yolunu dəyişib silaha sarıldı. Almanların içinə sızdı. Onların dilində danışdı, hərbi formalarını geyindi. Ən strateji obyektlər havaya uçurulanda heç kim onun izinə düşə bilmədi. Çünki o artıq bir əfsanəyə çevrilmişdi. Onun başına mükafat qoyulmuşdu. Amma o, son ana qədər döyüşdü.

Filmlərə ilham verən ölüm səhnəsində (mühasirəyə alınanda) təslim olmadı. Özünü qumbara ilə partladaraq həlak oldu. Mixaylo haqqında dedi-qodular da yayıldı. Guya almanlara könüllü keçmişdi. Amma yazdığı məktublar, şeirlər və silahdaşlarının xatirələri bu yalanlara cavab idi. O, sadəcə Mixaylo deyildi. Adı Mehdi idi. Azərbaycanlı Mehdi Hüseynzadə.