Səfərbərlik Xidməti şəhid övladlarını sevindirdi | Tədbirdən xoş görüntülər

Səfərbərlik və Hərbi Xidmətə Çağırış üzrə Dövlət Xidməti 1 İyun – Uşaqların Beynəlxalq Müdafiəsi Günü münasibətilə şəhid övladları üçün bayram tədbiri təşkil edib.

Açılış mərasimində çıxış edən Dövlət Xidmətinin rəisi Mürsəl İbrahimov şəhidlərin qəhrəmanlığından, şücaətindən və qanları bahasına qazanılan qələbədən danışıb.

Bildirib ki, Vətən yolunda şəhidlik əsl qeyrət, hünər, şərəf və ləyaqət zirvəsidir. Məhz onların şücaəti nəticəsində bu gün Azərbaycanın ərazi bütövlüyü tam bərpa olunub.

Rəsmi hissə bitdikdən sonra “Şahinlər” hərbi-idman oyunlarında uşaqlara müxtəlif hərbi tapşırıqların icrasını nümayiş etdirib. Komandalara bölünərək özləri də bir neçə idman-estafet oyunlarında iştirak ediblər.

Oyunlar bitdikdən sonra şəhid övladlarına Dövlət Xidməti tərəfindən hədiyyələr və fəxri fərmanlar təqdim edilib.

Sonda uşaqlar “Mənim atam qəhrəmandır” mahnısını oxuyublar və Dövlət Xidmətinin əməkdaşları ilə birgə zabit yeməkxanasında birgə nahar ediblər. Doğum günləri həmin günə təsadüf edən uşaqlarla birgə tortlar kəsilib.