“Şərur MTK”nın sahibi İsfəndiyar Axundov hakim qarşısında | Məhkəmədə nələr yaşandı?

Böhtan və təhqir maddələri ilə xüsusi ittiham qaydasında məhkəməyə verilən "Şərur MTK"nın sahibi İsfəndiyar Axundovun növbəti məhkəmə prosesi keçirilib.

Binəqədi Rayon Məhkəməsində hakim Vüsal Tağıyevin sədrliyi ilə keçirilən prosesdə iş adamından şikayət edən və hazırda həbsdə olan Emin Səməndərov da prosesdə iştirak edib.

Prosesdə İsfəndiyar Axundovun Emin Səməndərovun ünvanına söylədiyi ifadələrin yenidən ekspertizaya göndərilərək müvafiq rəy verilməsi ilə bağlı vəsatətlər təqdim edilib.

İddiaçı tərəfin vəkilinin dediyinə görə, əldə edilmiş sorğulardan bəlli olub ki, İsfəndiyar Axundov ən çox şikayət olunan iş adamı kimi qiymətləndirilib.

Sorğulardan məlum olub ki, iş adamından 40-dək şikayət hüquq mühafizə orqanlarına daxil olub. Xüsüsi ittiham qaydasında təqsirləndirilən İsfəndiyar Axundov isə zərərçəkən tərəfin ondan tələb etdiyi 5 milyon manata görə etirazını bildirərək, bunu əsassız adlandırıb.