Sıxlıq çox, həlli isə... | Əməkdaşımız aidiyyəti qurumlara səsləndi - NECƏ OLMALIDIR?

Baku TV-nin “Necə olmalıdır?” rubrikasının yeni buraxılışı yayımlanıb.

Bu dəfə paytaxtın Tbilisi prospektində sürücülərin qarşılaşdığı problem haqqında məlumat verilib.

Belə ki, prospektdə sola dönüb Həsən Əliyev küçəsi istiqamətində getmək, yaxud geriyə dönmək istəyənlər sıxlığa səbəb olurlar.

Vurğulanıb ki, ikinci zolaqdan dönənlər düz davam etmək istəyən sürücülərin yolunu kəsirlər. Buna səbəb isə avtobus zolağıdır.

“20 Yanvar” metrostansiyasından daxil olan nəqliyyat axını Salamzadə küçəsi ilə kəsişmədə iki zolaqda hərəkətə başlayır. Nəticədə sıxlıq artır. İrəlidə geri dönüb Həsən Əliyev küçəsi və əks istiqamətdə getmək istəyənlər də sıxlığa səbəb olurlar. Döngədə qoyulan işıqforun arxada sıxlıq yaratma ehtimalını nəzərə alaraq ən azından vəziyyəti daha da ağırlaşdırmamaq üçün avtobus zolağına girişə icazə verilməlidir”, – deyə qeyd edilib.