Unun qiyməti yenidən bahalaşdı | İqtisadçıdan mühüm açıqlama

Ölkədə unun qiyməti növbəti dəfə bahalaşıb.

Belə ki, 25 manata satılan 50 kiloqramlıq un kisəsi hazırda satış məntəqələrində 30-33 manat arasında dəyişir. Başqa sözlə, 8 manata yaxın artım var.

İqtisadçı Xalid Kərimli bildirib ki, bahalaşma dünya bazarında buğda qiymətlərinin yüksəlməsi ilə əlaqədardır:

“Daxili tələbatın 55-60 faizi yerli yığım hesabına təmin olunsa da, yerli istehsal olan keyfiyyətli buğda yalnız 25 faizi təşkil edir. Bütün bunlara baxmayaraq, istehsalçıların çörək qiymətlərində artım tətbiq edəcəklərini düşünmürəm”.

Ekspertlərin fikrincə, unun qiymətindəki artım davam edərsə, çörəyin də bahalaşması istisna deyil.