Pleyeri seçin:
“Ürəyim tez-tez bulanırdı” | Saçlarını yeyən 9 yaşlı Lalə və anası danışdı
İyulun 30-da Qax rayon sakini olan 9 yaşlı qız ürəkbulanma, iştahasızlıq və qarın ağrısı şikayətləri ilə Kliniki Tibbi Mərkəzə yerləşdirilib. Aparılan radioloji müayinələrdən sonra ona tirixofagiya diaqnozu (mədəsində saç kütləsi bezoar) qoyulub və Uşaq cərrahiyyəsi şöbəsinə yerləşdirilib.
Azyaşlının anası Şəhanə Həmzəyeva övladının uşaqlıqdan öz saçlarını yediyini və bunun qarşısını ala bilmədiklərini söyləyib.
Kliniki Tibbi Mərkəzin Uşaq cərrahiyyəsi şöbəsinin müdiri İlqar Haqverdiyevin sözlərinə görə, xəstə əməliyyat olunaraq yad cisim mədəsindən xaric edilib:
“Mədənin girəcəyindən çıxacağına qədər onikibarmaq bağırsaq da daxil olmaqla böyük ölçülü tük mənşəli yad cisim var idi. Əməliyyat zamanı yad cisim mədədən xaric olunub. Hazırda azyaşlının vəziyyəti yaxşıdır. Xəstənin növbəti günlərdə ambulator müalicəyə göndərilməsi planlaşdırılır”.
Kopyalandı
Seçilmişlər
