Xocalı faciəsinin yaddaşlara həkk olan siması | "Atası onu götürdü, mən də uşağı..." - Baku TV
1992-ci ilin fevralın 25-dən 26-na keçən gecə. 20-ci əsrin ən dəhşətli və ən qəddarcasına törədilmiş Xatın, Xirosima faciələri ilə eyni səviyyədə duran Xocalı faciəsi.
Bu vəhşət dolu gecənin canlı şahidlərindən biri də Nigar Cəfərovadır. O, yağı düşməndən canını qurtarıb Ağdama qaçdığı zaman çəkilən fotosu ilə daha çox yaddaşlarda qalıb.
“Fotodakı qız bibimin nəvəsidir. Anası yaralı idi, yeriyə bilmirdi. Atası onu götürdü, mən də uşağı. Sonradan maraqlananda öyrəndim ki, həmin şəkli türk fotoqraf çəkib”, – deyə N.Cəfərova Baku TV-yə müsahibəsində bildirib.
Həyat yoldaşının gözünün qarşısında öldürüldüyünü deyən Xocalı faciəsi şahidi yaşadığı dəhşəti belə xatırlayıb:
“Dağı keçəndə erməni postunun üstünə çıxdıq. Qadınları və kişiləri ayrı sıralara düzdülər. Kimin əlində güllə, avtomat – nə görsələr, yerindəcə öldürürdülər. Yoldaşımı da gözümüzün qabağında öldürdülər. Onu avtomatla başından güllələdilər. Daha sonra qundağı ilə vurdular. Başının sümüyü qırılıb üzünə düşmüşdü”.
#Xocalı faciəsi teqi istifadə olunub
- Rəsmilər Xocalı faciəsinə həsr olunan "Ana harayı" abidəsini ziyarət etdilər - Baku TV
- "13 yaşlı qızın ayaqlarını dizdən kəsdilər" - Faciə şahidindən dəhşətə gətirən sözlər - Baku TV
- Biz tarixi ədaləti bərpa etmişik | İlham Əliyev - Baku TV
- "Səssizlərin səsi" fotosərgisi keçirildi
- Ermənilər növbəti dəfə hakim qarşısında | Məhkəmədə nələr yaşandı?
