Pleyeri seçin:
Yasamal sakinlərinin gözünü yolda qoyan avtobus | Gecikmənin səbəbi nədir?
Yeni Yasamal massivi, Əsəd Əhmədov küçəsinin sakinləri 211 nömrəli marşrutdan şikayətçidir.
Onların sözlərinə görə, avtobus ən tez yarım saatdan bir gəlir. Hətta sürücülər monitoru söndürərək reysdən vaxtından əvvəl çıxırlar.
“211 nömrəli avtobus, əslində, saat 10-a qədər işləməlidir. Amma 8-in yarısından sonra monitoru söndürüb gedirlər”, – deyə sakin bildirib.
Məsələ ilə bağlı Yerüstü Nəqliyyat Agentliyindən bildirilib ki, 211 nömrəli marşrutda sərnişin təlabatına uyğun olaraq hərəkət intervalı 10-12 dəqiqə olmaqla 14 iritutumlu avtobus fəaliyyət göstərir. Lakin günün müəyyən saatlarında sözügedən marşrutun hərəkət sxemi üzrə Məhəmməd Xiyabani, Müzəffər Həsənov küçələri və Ziya Bünyadov prospektində yaranan nəqliyyat sıxlığı ilə əlaqədar hərəkət intervalı artır. Bu da marşrutun gecikməsinə və intervalın pozulmasına səbəb olur. Daşıyıcıya marşrut xəttinin nizamlı fəaliyyəti barədə tapşırıq verilib.
Kopyalandı
Seçilmişlər
