Yer kürəsinin qütblərində buz qatlarının yaranmasının səbəbləri | Tədqiqatçılardan açıqlama

Lids Universitetindən olan tədqiqatçılar Yer kürəsinin qütblərində buz qatlarının yaranmasının çox nadir bir sıra amillərin birləşməsi nəticəsində baş verdiyini müəyyən ediblər.

Tədqiqat “Science Advances” elmi jurnalında dərc olunub.

Komanda ilk dəfə olaraq bütün məlum buzlaşma proseslərini, o cümlədən vulkanların karbon qazı emissiyalarının azalmasını, meşələrin karbonu udmasını və dağ süxurları ilə reaksiyaları uzunmüddətli 3D Yer modelində birləşdiriblər.

Mütəxəssislər belə bir nəticəyə gəliblər ki, Yer kürəsi öz tarixinin böyük bir hissəsində buz parçaları olmadan “istixana” vəziyyətində idi və indi yaşadığımız şərait olduqca nadirdir.

Alimlər vurğulayırlar ki, Yer kürəsinin təbii iqlim mexanizmləri daha çox yüksək karbon səviyyəsi olan istiliyə meyillidir. Bu, qlobal istiləşmənin başa düşülməsi üçün vacibdir.

Qeyd edək ki, karbon rəngsiz qazdır. -78,3 dərəcə Selsidə donur. Adi təzyiqdə 78,5 dərəcə Selsidə mayeləşərək birbaşa bərkiyib qara oxşayan “quru buz”a çevrilir.