4 min il əvvələ aid müəmmalı yaşayış məskəni | Beş il davam edən qazıntıların nəticəsi

Çin arxeoloqları tərəfindən Tsinhay-Sintsyan platosunun mərkəzində yerləşən gölün sahilində qədim Neolit dövrünə aid dağlıq yaşayış məskəninin qalıqları aşkalanıb.

Arxeoloqlar qədim Neolit dövrünə aid yaşayış məskəninin qalıqlarını ilk dəfə 2019-cu ildə Çinin cənub-qərbindəki Sintsyan Muxtar Rayonunda preventiv tədqiqatlar apararkən müşahidə ediblər.

Obyekt çox hündürlükdə, gediş-gəliş çətin olan ərazidə yerləşir, buna görə də onu yaxşı öyrənmək üçün bir neçə il lazım olub. Sahə işlərindən sonra ərazinin bölgədəki ən erkən neolit yaşayış məskəni olduğu müəyyən edilib. Bu həm də uzun müddət mövcud olan ən yüksək dağlıq yaşayış məntəqəsidir. O, 4410-4430 metr hündürlükdə, Mapu Tşo kimi tanınan yerdə yerləşir.

Ərazidə beş il davam edən qazıntılar zamanı zəngin eksponat kolleksiyası toplamaq mümkün olub. Qazıntı sahəsi 1650 kvadratmetr, yaşayış məntəqəsinin özü isə arxeoloqların fikrincə, 140 min kvadrat metrdən çox ərazini əhatə edir.

Çoxlu daş alətləri ehtiva edən tapıntıların yaşı 2000 ilə 4800 il arasında dəyişir. Aşkar edilmiş qalıqlar Mapu Tşoda insanların bir neçə min ildir davamlı olaraq məskunlaşdığını göstərir.

DNT analizi göstərib ki, onlar Tsinhay-Sintsyan platosunun müasir yerli xalqlarının birbaşa əcdadlarıdır.