“40 yeni rus qırıcı təyyarəsi üçün...” | Vyetnamla bağlı iddia
Vyetnamın Rusiyadan gizli şəkildə böyük miqdarda silah aldığı iddia olunur.
Bu barədə "New York Times" məlumat yayıb.
Məqalədə bildirilir ki, prezident Co Bayden dövründə Vaşinqtonla Hanoi arasında əlaqələr maksimum səviyyəyə çatmışdı. Lakin Rusiya Vyetnamla hərbi-sənaye sahəsində münasibətləri gücləndirməyə davam edib.
Qeyd olunur ki, keçən il Hanoi ilə Moskva arasında yeni silah tədarükləri üzrə danışıqlar başlayıb və Donald Trampın hakimiyyətə gəlməsi ilə proses sürətlənib.
"New York Times" xəbər verir ki, yayda Vyetnamda Rusiya ilə gizli müqavilələrin imzalanması barədə söz-söhbətlər yayılıb. Anonim rəsmi mənbədən təsdiqlənib ki, 40 yeni rus qırıcı təyyarəsi üçün müqavilənin dəyəri 8 milyard ABŞ dollarıdır. Hanoinin planına Su-35 təyyarələri, radioelektron mübarizə sistemləri ilə təchiz edilmiş təyyarələr daxildir.
Vurğulanır ki, Vyetnam hökuməti rəsmi olaraq Rusiyadan silah alınmasını elan etməyib.
Kopyalandı
#Rusiya teqi istifadə olunub
- Bakı-Moskva münasibətlərinin gedişatı | Saakaşvilidən qalmaqallı açıqlama | BİZDƏN NƏ DANIŞIRLAR?
- Aİ-nin Rusiya ilə müharibəyə başlayacağı tarix açıqlandı - Baku TV CANLI
- “Hamı pulları istəyir, amma...” | Qlobal maliyyə sistemini ağır nəticə gözləyir?
- Gerçəklər üzə çıxdı: Ermənistandan Rusiyaya qarşı istifadə etmək üçün nə planlanır? | YEKUNLAŞDIRAQ
- Silahlı toqquşma nə vaxt baş verəcək?
