ABŞ Dövlət Departamenti Küveytə PUA-ya qarşı sistemlərin satışını təsdiqləyib

06 iyun 2026 227 baxış

ABŞ Dövlət Departamenti Küveytə 1,98 milyard dollar dəyərində potensial hava hücumundan müdafiə sistemlərinin satışını təsdiqləyib.

Bu barədə qurumun mətbuat xidməti məlumat verib.

"ABŞ Dövlət Departamenti Küveyt hökumətinə Xarici Hərbi Satış proqramı çərçivəsində pilotsuz uçuş aparatlarına (PUA) qarşı platformaların və əlaqəli avadanlıqların alınması üçün hərbi texnikanın mümkün satışını təsdiqləyib", – deyə məlumatda vurğulanıb.

Qeyd olunub ki, PUA-ya qarşı platformaların alınması Küveyt hökuməti tərəfindən tələb olunub.

Proqrama "Roadrunner-Munnition" və "Anvil-Kinetic" platformaları, buraxılış qurğuları, müxtəlif qüllələr, proqram təminatının hazırlanması, sənədləşdirmə, ABŞ hökumətinə və podratçılara mühəndislik, texniki və logistika xidmətləri, eləcə də digər logistika və proqram təminatı dəstək elementləri daxil olacaq.

#ABŞ Dövlət Departamenti