"Associated Press" işçilərini ixtisar etməyi planlaşdırır

ABŞ-nin "Associated Press" (AP) agentliyi işçiləri ixtisar etməyi planlaşdırır.

Bu barədə agentliyin vitse-prezidenti Culi Peys və gəlirlər üzrə baş direktoru Kristin Heytman "Axios"a bildiriblər.

Onların sözlərinə görə, ixtisarlar əsasən agentliyin ABŞ-dəki müxbirlərinə təsir edəcək. Dəqiq say açıqlanmır, lakin onların AP-nin qlobal işçi qüvvəsinin 5%-dən azını təşkil etdiyi bildirilir.

Nəşrdə istinad edilən hesablamalara görə, bu rəqəm 3000 nəfəri keçib. Həmkarlar ittifaqı üzvü olan bəzi işçilərdən əvvəlcə könüllü olaraq işdən çıxmaq istəniləcək. Əgər kifayət qədər könüllü olmasa, məcburi işdən çıxarılma baş verəcək.

Nəşrdə aydınlaşdırılır ki, işçilərin sayının azaldılması agentlik daxilində daha geniş transformasiyanın bir hissəsi olacaq. Onun işi daha çox video məzmuna və milli məsələlərin işıqlandırılmasına yönələcək.

Məqalədə qeyd olunur ki, Amerika qəzetlərindən gələn vəsait agentliyin gəlirlərinin 10%-dən azını təşkil edir. Bu rəqəm son bir neçə ildə 25% azalıb.