Pleyeri seçin:
Bolqarıstanda yeni qərar | Prezident artıq bu səlahiyyətə sahib olmayacaq
Bolqarıstan parlamenti ölkə Prezidentinin xüsusi xidmət orqanlarının rəhbərlərini təyin etmək səlahiyyətini ləğv edən yeni qanun layihəsini qəbul edib. Dövlət Milli Təhlükəsizlik Agentliyi və digər xüsusi xidmətlər haqqında qanuna edilən bu dəyişikliklər deputatların əksəriyyəti tərəfindən qəbul olunub. Bolqarıstan Prezidenti Rumen Radev bu yeniliyi kəskin tənqid edərək, bunun xüsusi xidmətləri siyasətçilərin təsiri altına salacağını bildirib. Radev bu qurumların seçkilərdə manipulyasiya, maliyyə pozuntularının araşdırılması və rəqib siyasi qüvvələrə qarşı kompromat toplamaq üçün istifadə ediləcəyindən narahatlığını ifadə edib.
Kopyalandı
